![●●[ خيـآآآل]●●](https://2img.net/s/t/15/32/03/i_logo.jpg){kind=logo}
من طرف ~ شقاوة بنوته ~ الخميس يونيو 03, 2010 4:27 pmــــــــــــــــــ1ـــــــــــــــــ
لاترتجي المحبه من قلب بالخيانه ذبحته
ولا تعتب على خلك بسبايب خطاك
وانت من بسهم الغدر جرحته
واليوم تستاهل من جروحي ماجاك
ــــــــــــــ 2 ـــــــــــــــ
حـــــبيــــبي
هات الورق
كل الورق!
واكتب بكل السطور
كلمه يملاها الشعور
كلمه لايمكن تبور
اكتب باول سطر
وآخر سطر
وفوق الورق
لايمكن اننا..
بنفتـــرق!!
ولو قضى فيك العمر
بعطيك
من عمري عمر
بس المهم
مانفتـــرق..!!
ــــــــــــــ 3 ـــــــــــــــ
ماكنت اقصر فيك من كثر الاعجاب
يومك تساوي عندي الكون كله
كنت القريب وكلهم كانوا اغراب
حتى القمر لاغاب شفتك محله
خلاص لاترجع ترا خاطري طاب
ابي طرا اللي كنت عايش بظله
رح واعتبرني واحد اذنب وتاب
ماني بثوب تلبسه ثم تمله
ــــــــــــــ 4 ـــــــــــــــ
خوفي تبيع القلب والقلب
شاريك !؟؟
حبيبي أحذر تسويها !!
ترانى أموت فيك !!!
ــــــــــــــ 5 ـــــــــــــــ
الله يرحم حبنا اللي
قتلته
جفت دموعي والبقيه في حياتك
أنت بديت الحب وأنت نهيته
إقرأ عليه الفاتحه في صلاتك
الله وأكبر من يسوي
سواتك
مره لبستي الحب ومره
شلتيه
هذا الهوى لا تحسبينه
عبايتك
قلتي إحفظه تذكار وأقول مابيه تذكار حبي
ــــــــــــــ 6 ـــــــــــــــ
ثلاث حروف تاسرني وتاسرني بمعروفك
ملكت الروح في طهرك وصرت الليل ومراحه
نقشت( الشين) شوق العين وحرف ( الواو) بوصوفك
وتوجته بحرف ( القاف ) عذاب القلب والراحه
ــــــــــــــ 7 ـــــــــــــــ
صعبه إذا خنت العهد ..
وش عاد عذرك ينفعك ..تخسر حبيبك للأبد ..
وميفيد حتى مدمعك ..
جرب تجافيني وتصد ..
تلقى عيوني تودعك ..
قلي يا خلي وش بعد ..
فآخر دقيقة أنا أسمعك ..
ــــــــــــــ 8 ـــــــــــــــ
فرصة سعيده وافترقنا على خير
كنت اتمنى تكون قسمة
حياتي
هذا نصيبي واللي جنته المقادير
تبعد وأنا أبعد في سكون وسكاتي
ذكراك هذي وانتهت دون تفسير
صارت تسمى ماضي ذكرياتي
فرصة سعيده جمعتنا على
خير
خلك بقايا ساكنه ماضياتي
ــــــــــــــ 9 ـــــــــــــــ
أحمل ميعاد في كل عام
أجيك وفرحتي بك غير ..
حياتي جبتلك شوقي
وقلب ما عشق غيرك ..
ترى حبك سما قلبي
وقلبي من غلاك يطير ..
سعادة قلبي بقربك
اذا ضقتي بكى طيرك ..
ــــــــــــــ 10 ــــــــــــــــ
حبــــيبي
للوصل سبه.. وللفرقى كثير..
أسباب؟!
وأنا صابر عشانك
وحبك صار
مشقيني
"تخيـــل"
لوجرحتك يوم..وجرحك بالهوى
ماطاب!
لوتدورني تبيني..ماتلاقيني؟!
تبي تبكي..تبي تشكي
تبيني والأمل بغياب!
صرخت بصوتك العالي..
من الضيقة تناديني!!
"تخيـــل"
ــــــــــــــ 11 ــــــــــــــــ
انت حياتي وانت الانفاس ..
ودي بكلمة كلها احساس ..
لك زاد حبي ماله قياس ..
وإن غبت حبي ما يغيبي ..
حلوة أحبك من شفاتك ..
انزع غرورك من صفاتك ..
كلمة تغير كل حياتك ..
واسقيك من حبي وطيبي ..
ــــــــــــــ 12 ــــــــــــــــ
إن كان حبك عيب
فإنت أول العيب..
وإن كان حبك ذنب
يغفر لي الله ..
أنا بشر أخطي
بدنياي وأصيب ..
ولا إظن به مخلوق
من غير زله..
ياما نهيت النفس
بالغصب والطيب..
إلا..!؟
"بحبك"
النفس
عصتني
ــــــــــــــ 13 ــــــــــــــــ
تعال ابوس خدودك
تعال اناظر عيونك
تعال اذوب في صدرك
تعال اعاتبك وارتاح
تعال اعوض اللي راح
تعال وعطني إعلومك
تعال وشتت إهمومك
تعال أدفي من إيدينك
وإذا
تبغي
الدفي
قلى
وانا ..
بشقق إهدومي ..
ــــــــــــــ 14 ــــــــــــــــ
سرت أطالع وألقى شراويك
مالقيت مثلك فهالعالم بشر
خذت الحسن من اللي حواليك
وخذت من القمر نور وسفر
في مهجتي لك درب ومساليك
مامشابه غيرك مالعالم نفر
أعزك
وأودك
يالغلا
وأغليك
وسويتلك مالغلا في قلبي نهر
ــــــــــــــ 15 ــــــــــــــــ
تروح تجي معاد تعنيني
عودتني لين مليت وخليتك
ماكنت نبض المحبة في شرايني
ماكنت تسوى عيوني يوم حبيتك
تبيعني ماهو بكيفك وتشريني
انا من أغلى مكان بقلبي انهيتك
ــــــــــــــ 16 ــــــــــــــــ
الحب كلمة
قليل اللي يقدرهـا
تقول أحبك
وما تعرف معانيها
يخطي بتفسير
من جا يفسـرهـا
الحب دنيـا
شقاها مثل أمانيها
يبي يغيــر
قلوب ما يغيــرها
غلا وفاة المحبة
أو محبيــــها
ــــــــــــــ 17 ــــــــــــــــ
أحبك كلمة ظلت شفاه الحب من مده
نست حتى ابتسامتنا وضحكات العيون السود
عسى ربك يجمعنا وننسى الهم ونصده
نعيش ايامنا الحلوة بلا هجر وجفا وصدود
ــــــــــــــ 18 ــــــــــــــــ
ــــــــــــــ 19 ــــــــــــــــ
أغليك..لكن شعوري فيك..
يتعبني
ضاعت على سكة الحيره..
عناويني
ماعاد طيفك على الغربه..
يصاحبني
حب.. ومضى.. وإنتهى
وأرجوك تعفيني!
لا ترسم أحلام
بلا تهدم .. ولا تبني
لك وجه أبيض وأنا
اللي راح..
يكفيني..!
ــــــــــــــ 20 ــــــــــــــــ
ماضعت في بعادك ولا توهني زماني
مثل مااخترت قلبك بالاول اقدر اختارلي ثاني
قول اني تغيرت وماعاد قلبي الاولاني
جروحك علمتني الصد
وعلمتني كيف اخلي الهم ينزاح عني ويتناساني
ــــــــــــــ 21 ــــــــــــــــ
لا تعاتبني دخيلك!!
أنتهى
وقت العتاب!
دام ما للحب قيمه؟!
وايش له..
نعيد و نزيد!
ودامك اللي للخطايا
مشرع
عشرين باب!
العتب ما أظن يقدم!
لا...
ولا حتى يفــيد..!!
ــــــــــــــ 22 ــــــــــــــــ
يا من سكنت القلب
والروح
ومن دون شوفي بت
مرتاح
بعدك ترى سببلي
جروح
واشبهه بالسيف
ذباح
والفكر دايم صوبك
يلوح
يذكر ليالي الود
وأفراح
ليش التغلي وضح
وبوح
ولا الزمن خلاك
مرتاح
ــــــــــــــ 23 ــــــــــــــــ
بودعك وأنتي إللي
ساكنة دمي
أبقي بعيدة وروحك
معي في ثيابي
وإن سولفوا في
حظورك عن بعض همي
قولي لهم كان يعشق
ريحة ترابي ..
قولي لهم لاشرب دمع
الحزن كمي ..
هذي دموعه ولكن
هي من أسبابي ..
ــــــــــــــ 24 ــــــــــــــــ
تزعلين وتشغلين القلب هم فوق همي
وانتي اعلم بالخفوق وسقمه اللي مبتليني !!
جازلك حزن(ن) بعيني ؟ أو عشقتي نزف دمي؟
يا عذابي ليه صرتي (تزعلين وتزعليني ) ؟
ــــــــــــــ 25 ــــــــــــــــ
مادمت غـــالي..وقلبي صار
بيـديـنـــك!
راضي حبيبي..تدلع بس
بالراحــــه!
ما أقدر أواجه..دلع همساتك
وعـيـنـــك!
يكفي عيونك.. بلا تغنيج
ذبـاحــــه!
ــــــــــــــ 26 ــــــــــــــــ
أحبك لو تصير دموع
وندم وآهات وأحزان ..
أحبك لو تصير الموت
والتابوت والدفان ..
أحبك لو تصير الليل
وأنا بحضرتك سهران ..
أحبك لو تصير الماي
وأنا أتوسلك عطشان ..
أحبك وابقى مخلص
وحق نزل القرآن ..
أحبك ولا أبدل بأي
إنسان ..
ــــــــــــــ 27 ــــــــــــــــ
قالوا هلي وشفيك
ماترقد الليل..
ترى السهر ماله
عواقب حميده..
كانك مريض روح
واعمل تحاليل..
يشرح لك الدكتور
وصفه مفيده..
قلت انشدوا راعي
الرموش المضاليل
اليوم صار الحل
والربط بيده
قالوا تحبه قلت
بالحيل بالحيل !!
ــــــــــــــ 28 ــــــــــــــــ
خلك معي لا تأخذك بعض الافكار
دنيا مضت لك لا تحسف عليها
لا تشتكي لي من عنا الوقت لاجار
انا بعد دنياي بلشان فيها
ارسم لك البسمة وانا داخلي نار
حتى السعادة بالخداع اشتريها
ــــــــــــــ 29 ــــــــــــــــ
لا تعرض سنينك
للفنــا و الضيـاع!
كلك ذنوب.. والرجوى
تزيدك ذنــوب!
أرحـــل بحفظ فرقــا
ماوراها أجتماع!
جـيـت منت مغصوب
ورحت وانت مغصوب!
أختصرتك
وأنا كلي..
رضى و أقتناع!
مثل ما تختصر
بعض الدروب..
الــــطويله..
ــــــــــــــ 30 ــــــــــــــــ
قلــبي اللي من عرفتك
زايد فيه الوجوع
وكل حب قد بنيته في
هواكم انهـــدم
النهــــار
أصبح
ظـــلام
والخميس
أصبح
ربــــوع
والسنين تبكي عيني
ودمعتها
هــم و دم
كنت أقول: أنت الحبيبه
وتحرس
القلب الضلوع
الحقيقة قلتها:
أنت
كما
طـــيف الوهـــــم!
ــــــــــــــ 31 ـــــــــــــــ
يا أول دروب الحب وأخر من عشقت وهويت
أنتي البداية في حياتي وأنتي
أصلا منتهاي
أنا أعتبر نفسي فقير ومن عرفتك اغتنيت
يانجمة تفضح ظلام الليل و تنور سماي
أنتي فتاة أحلامي وعشقك أعظم مارجيت
وأنا فتى حلمك عسى الله منك مايقطع رجاي
أنانسيت اللي مضى من عمري
والحين ابتديت
من يوم شفتك ياهوى بالي و سميتك هواي
دمعي عزيز ولا أذكر في حياتي قد بكيت
إلا اذا شفتك فرح والا حزن ليا
قلت لي باي .
ــــــــــــــ 32 ـــــــــــــــ
كل عام وانتي ياعمري بخير
كل عام وانتي حنونه ياغلاي
ياأغلى من يمشي على الدنيا ويسير
يا نظر عيني و يابسمة شفاي
شمعة أعيادك عسى دايم تنير
مثل مانورتي بوجودك سماي
إيه أحبك حب ياعمري كثير
كل عام وإنتي ياقلبي معاي
ــــــــــــــ 33 ـــــــــــــــ
على كفي..على دربي..
على صفحه من الدفتر
نقشت حروفك العذرا على شريان من دمي
وجيتك عاشق هارب..
عن همومي معك بسهر
أبشكي لك وافضفض لك
بقربك ينجلي همي
أزخرف حبنا الوردي..
على جدران من مرمر
وألونها وأشكلها..وأحط
اسمك قبل اسمي
غرامك كل يوم يزيد ..
وتكبر والغلا يكبر
يجسد حبي الواقع..بعد ليل العنا الوهمي
أشوفك مع شروق الشمس.. اشوفك والشفق أحمر
تذكرني بهمساتك.. بلابل
صبحي الوسمي
وأنادي يابعد عمري.. ترى بعد الأمل يقهر
تعالي شوفي حروفك..
على شريان من دمي
وتذبل فرحتي ساعة..
وأشوف الياس يتمخطر
ويترنم على نغمة.. تعالي وأقبلي يمي
وأطيح وفي يدي ورده..
وحظي في يده خنجر
يطعن أجمل أحلامي..
قبل ما الشمل يلتمي.
ــــــــــــــ 34 ـــــــــــــــ
وصلني ذكرك الغالي وشوقي بالهوا ينادي..أقول إني أبي قربك وأنا فكري يبي دربك..سحرني ذوقك الدافي سرق روحي وإحساسي..ياليت الحظ يجي يمك وأعيش اليوم بدمك ...بكل أحساس تبي أحساسي والله مشتاق وأبي شوفتك..
ــــــــــــــ 35 ـــــــــــــــ
يعلم الله
كيف لك في قلبي(غلا) ويعلم بعد
كيف عني(ماتغيب)
بس(الظروف) تجبرالإنسان لو
مابغى
يبعد عن الغالي
وهوفي قلبه(قريب)
ــــــــــــــ 36 ـــــــــــــــ
الغياب ماهو جفا
والحضور ماهو وفا
الأهم شوق القلوب
حتى لوالشخص اختفى
ــــــــــــــ 37 ـــــــــــــــ
مسكين من معطي لنفسه اهميه....!
!:ياصغره بعيني:!
!:وياكبره بضنه:!
هو يحسب ان العرب
ماحصلوا زيه
وهو والله لو يموووت
مادرو عنه..
ــــــــــــــ 38 ـــــــــــــــ
أبكي وانادي لمتى قطع المواصيل ....
متى على الله ساعة الوصل تاتي ....
يادمعتي لاتطلبين المناديل ....
تكفين ياعيوني من الدمع هاتي ....
وينه ونيس الصبح والعصر والليل ....
في غيبته غابت جميع امنياتي ....
ــــــــــــــ 39 ـــــــــــــــ
غيبتي طالت ولا همك
"جفاي"
وكنت عايش في أمل
تسأل< علـــــــي>
من غلاك أحسبك
عايش في" رجاي"
أثري ماهمك لوطال
<زعلــــــــي>
أنت مالك ذنب هذا من
"غباي"
ناسيني وأحسبك تتغلى
"علــــــــي"
ــــــــــــــ 40 ـــــــــــــــ
أحبك كثر ماتسكن حشاي و تشغل الأفكار ..
أحبك كثر عالمنا الصغير و بكثر ماحوله ..
وكثر ماعيونك حبيبي تلفت الأنظار ..
وكثر ماكانت أحبك على شفتك
معسوله ..
(( من جد إهداء خاص لك ))
أحبـــــــــــــــــــــــــــــك
ــــــــــــــ 41 ـــــــــــــــ
ياضوى عيني وعيني والنظر
بس شخصك في عيوني ماأجمله
ليت هالأيام جت بك من زمان ياهنا قلب حظوظه تخذله
ماتكلم ماأحس ولا أشوف
وأنت جنبي وهذا قلبي واسأله ماسكنت إلا بروحي وليتني أسكن ف روحك وحلمي أوصله
ياحبيب الروح تكفى لاتخاف لاهوى القلب غيرك باقتله
ــــــــــــــ 42 ـــــــــــــــ
ياويل قلبي منك ياكثرماأغليك..
أغلى من الدنياوثراهاوسماها..
ياويل قلبي منك لاحل طاريك..
نفسي وهي نفسي تشك بغلاها..
أنسى أسامي الناس وأغلط وأناديك..
قلبي معك ..كل الأسامي نساها..
ــــــــــــــ 43 ـــــــــــــــ
أنت دلوعة زمانك ..
عارفه معنى حنانك ..
عارفه فينه مكانك ..
أنا كثر الحب أحبك ..
أنا كثر العشق أعشقك ..
أنا كثر الماء ضميتك ..
والهواء كثره بغيتك ..
أنت كل الناس أنت ..
أنت كل الورد أنت ..
وأنا لك أرض وسماء .
ــــــــــــــ 44 ـــــــــــــــ
أحسدك يارساله..في ثانيتين..صرتي بين " أغلا يدين"وتشوفك" أجمل عينين"وتقراك "أحلى شفاه"ودامك وصلتي له..بطلبك حاجتين:سلامي له توصلينه..وعلى خده تبوسينه..وتقولي له(وحشتني والله)
ــــــــــــــ 45 ـــــــــــــــ
أدري حبيبي مايخيب الأمل فيك..
وفاك من طيبك وعزك ومرباك
علمتني كيف أجبر القلب وأغليك..
وكرهتني دنياي من دون دنياك
عهدا علي لوتطلب العين لعطيك..
آمر تدلل كل ما تطلبه جاك ..
ــــــــــــــ 46 ـــــــــــــــ
حبيب(ن) خاين العشره جمع حزن البشر فيني
كذب قلبي إذا لحظه تناساه أو تناسيته
نسى حبي بعدعمري وخلىالهم يطويني
وخلى الدنيا في عيني كئيبه.. ليت ماجيته
يجي منه بعدأكثر..طعن قلبي معنيني
يناديني على الفرقا.. واقول ابشر ولبيته
ــــــــــــــ 47 ـــــــــــــــ
من كحل أهاتي ودمع محابري
ولهاث حرفي واحتراق جناني
أهفو إليك على بساط مشاعري
نبضا شفيفا ناثرا أشجاني
أشدو بأنغامي فأشعل معزفي
وأجيء منصهرا بفيض حناني
آتي إليك مضمخا بقصائد
شجو البلابل في صدى نيسان
ــــــــــــــ 48 ـــــــــــــــ
يحسبنى يوم سلم
ما سمعته * سامعه بس
أتغلى عليه * قلت أبثقل
بس ثقلى ما أستطعته *
وأبتسمت وجيت لمعانق يديه يحسب أنى يوم ما رديت بعته مادرى إنى بكل عمري مشترية
والصراحة يوم سلم ماسمعته
كنت أفكر كيف أنا أسلم عليه
ــــــــــــــ 49 ـــــــــــــــ
اتذكرلقاها لين شفت البقايا
اتوجّدعليها واكتمه في خفاي
اذرف دموع عيني لاذكرت الهدايا
ولين شمّيت عطره زادفيني عماي
قدّه ورمش عينه هي طعون الضمايا
هي غناتي وروحي..اصحبت هي مناي
اتذكرشفاه وكل ذيك الحكايا
ماملك قلب روحه بالوسيعه سواي
ــــــــــــــ 50 ـــــــــــــــ
الجمال
معروف
وعنوانه
oooo
كل الحلا والزين
جاها وسكنها
كل البنات وكل لوحة
لرسام " ooo "
أحلاهم ولا فيه منها
الزين
لو
مرة
يكمل
"يكمل" في وصف oooo
ويصبح وطنها
ــــــــــــــ 51 ـــــــــــــــ
الليالي مدت كفوووف الهدايا
كف جرح وكف مايرحم خويه
تدري الأيام في بعدك سوت بي سوايا
تنثر الآهات بعيووني هديه
وكان حبك عيب ياحلو الخطايا
إيه احبك وارتفع قدر الخطيه
ــــــــــــــ 52 ـــــــــــــــ
حبــــيبـــــــي
هذي دروب الحب.. والحب
سلـــطان
يأمر علي وكني أصغر
أخوانــــه
لا يابعد.. كل الطوايــــف
والاوطــــان
أقطع وريدي لو نبض
بالخيـــانه
حبك ثبت في خافقي ساس
وأركــــان
عن حب غيرك كن عندي
حصـــانــــه
ــــــــــــــ 53 ـــــــــــــــ
يموت العاشق المغرم وهو ينطر يشوف مناه
يموت ولا لقا خل(ن) حياة الهم يبعدها
لكن الصاحب الغالي عسى كل العرب تفداه
مادامه أهو جنبي حياتي وش ينكدها
ــــــــــــــ 54 ـــــــــــــــ
ألقي خيالك في خيالي
وأضمه
وأشوف زولك بين
رمشي وعينى
يمرنى طاريك
عجل وألمه
من لهفتى تسبق عيونى
يدينى
مثل العبير يفوح عطرك
وأشمه
في لحظة تسوى بقايا
سنينى
أحتاج لك حاجة وريدى لدمه
ترد لى روح تروح وتجينى
ــــــــــــــ 55 ـــــــــــــــ
بطلبك يانـور عينـي كـان مافيهـا كلايـف
لا نويت الجرح فيني.... اطعن بحـد شطيـر
الغلا يا صاحبي ماهو حكي وسـط الشفايـف
الغلا لا صار سيفـك فـي معاليـق الضميـر
ــــــــــــــ 56 ـــــــــــــــ
أجرحيني ثم روحي مادام
الحب راح
لاأنتي أول من جرحني
ولا آخر
من يــروح
لاخسرتي عاشقك!
لاتحسبينه..
"نجــــاح"!
جيت أعزي فيك قلبي
وجا قلبي
ينــــوح
في مهب الريح
يامعاكس أمواج
الـريــــــاح
الزمن ماهو زمانك..
تبــــوح أو ماتبــــوح!!
ــــــــــــــ 57 ـــــــــــــــ
احب اسمك وسط قلبي شريك
واحب ازقرك يا اغلا ملاك
اشوف الموت من دونك دريك
حبيبي بس يكفي هلاك انا اترجاك
انا منك وفيك ولا لي حد في الدنيا سواك
دخيلك روف بي ربي يهديك
ــــــــــــــ 58 ـــــــــــــــ
أسهــر اللــــيل
أفكر
وش سبايب..
جـــفاك؟؟
أهدم قصـــور
حبك
والضحى تنبني
الـــلـــه اللي بلاني
فيك
مدري بلاك!
حسبي الـــلـــه عليك
أقول وتسدني!
مابقى غير تأخذ
في يمينك
عصــــــاك؟!
ما تربيت قبلك
لا بعد..
ربــــنـــــــي؟؟!
ــــــــــــــ 59 ـــــــــــــــ
الناس تكره عذاب الحزن
وتمله؟
وأنا أتحلى عذابي وأعشق
أحزاني
ماني خطوا هبيل معجبه
ظله!
يسريبه الحلم في تيهات
الأزماني
أعرف طريق الهوى والحب
وأدله
وأخشى من العيب وأحفظ
هرجة لساني
يابنت كلن يعيش مع العرب
دله
مايعتقد قلب مسلم.. سلم
نصراني!
ــــــــــــــ 60 ـــــــــــــــ
النســــــــاء
ياحلوتي
صلصال طين
وانتي..من
طين الجمال
العبقــــري!
بالحسن مالك شبيه
ولا..
وزين!
مثل ماصاغ
الجواهر
جوهــــري!
بالحلاوة..والغلاوة
تفرقين!
مثل مايفرق..
فـقـــير عن ثــــري!
أختصرتي في جمالك
كل زين!
يوم غيرك في جماله..
مهــــــتوي!!
ــــــــــــــ 61 ـــــــــــــــ
انا كتلة من الاحزان كثيرة حيل غلطاتي
انا واقع اليم عشتة مع ذاتي وحرماني
غريب(في) عالمي موهوم تصارعني ملذاتي
مابين الحب واقدارة نفر قلبي وعاداني
تمثلت برجل واعي يحطم سور رغباتي
يوضح لي الحياة لحظة عن الزلات ينهاني
لقيت اني مثل غيري ولكن في شكل ثاني
حقيقة الطبع ماينعاز لاصارت هذي عاداتي
بفوّض امري للرحمن وحكمة خير برهاني
ــــــــــــــ 62 ـــــــــــــــ
أنتي عيونك..حكاية!
بحر في عيونك
ومرسى
وأنا توي في البداية!
ودي أنساها
وتنسى
خلت عيوني..مرايه!
ودها تحكي
وخرسا
مامعايه..مامعايه!
غير قلب صعب
يقسى
وان رضيتي لك..رضايه!
وان قسيتي لازم
اقسى
كل شي وله..نهايه!
عاشقك وشلون
ينسى
ــــــــــــــ 63 ـــــــــــــــ
أن كنت ناوي بفرقا
سهل الله خطاك
ما أقول أني بموت
ولا أقول أني بخير
يمكن أنساك
ويمكن أستمر
في رجاك
لكن أحب ثاني..
مستحيل انه يصير
أن قتلته شعوري
أو قتلني غلاك
بغليك
لو أبوي شيخ
وخالي أمير..!؟
ــــــــــــــ 64 ـــــــــــــــ
أهجريني اذا أنك قادره
تهجرين
وكان قلبك على الفرقا
جزوم..وقوي
غيرك من البشر يملك
لطافه وزين
وعندي الزين
لافارق..ولامستوي
ارفض ابقى معلق معك!
في حالتين؟!
يوم..
مجنون حب!
ويوم..
عاقل سوي!
ــــــــــــــ 65 ـــــــــــــــ
تعرف وش العذاب على أصوله؟
العذاب انك تحب
أنسان
مايعرف غلاتك؟؟
العذاب انك تحب
أنسان
يتجاهل حدودك!!
العذاب انك تعذب
كل قلب
يشوف قلبك!
العذاب تعيش
بعالمك
من دون حب!!
العذاب يموت
قلبك
ولا احد
يعرف بموته..!
ــــــــــــــ 66 ـــــــــــــــ
تقدر تروح وتبتعد ..
إن كان يرضي مطمعك ..
لو حب قلبي ما خمد ..
عن حب غيري ممنعك ..
الحب أحلى من الشهد ..
ومن مثلي حبك ودلعك ..
ولا تظن في قلبي أحد ..
يا كيف وهو بنبضه معك ..؟
ــــــــــــــ 67 ـــــــــــــــ
توك تجي تطلب رضا قلب ناسيك
ذابت ورودك واصبحن يابساتـي
ضيعت حبي ياعسى الله يجازيك
وانكرت قلبي يومك اغلى امنياتي
واليوم قلبي يبتعد عـن وموانيـك
والحين توها ابحـرت باخراتـي
ــــــــــــــ 68 ـــــــــــــــ
حبيت بك عدلك
وحبيت ظلمك
وجيتك من هم
بروحي الجريحه!
جيتك أبي أشيل
الهواجس..وهــمك!
مثلك حرام
تضيق فيه الفسيحه!
لعيون..
"فرحتنا"
و
"حلمي"
و
"حلمك"
قومي نبدل أحزاننا
بقلوب مريحه!
وإنسي همومك..وأضحكي
ولا يهمك
العمــــر واحــــــد
وأخر العمر
صــــيحــــــــــه
ــــــــــــــ 69 ـــــــــــــــ
راجع حساباتك بلحظة..
سكونك؟
وخذها نصيحه جعل ربي
يعافيك
مافيه أجمل من حبيب
يصونك
ولافيه أقسى من قريب
يعاديك
أكبر خطأ نسيان من
يذكرونك
وأعظم وفا ذكر شخص
ناسيك
وأكبر قهر لاصار ناس
يبونك
وأنت تبيهم بس حظك
لعب فيك؟
ــــــــــــــ 70 ـــــــــــــــ
سأظل أقول أحبك ولن
أندم
ويبقى حبك في قلبي
والله أعلم
لوكان الصخر حيا عني
لتكلم
ولو كان قلبك يدرك حبي
لتحطم
احببتك بروحي وكياني
فهل يوجد شيء من الحب
أعظم؟
عذرا كدت أكفر بالهوى
لو لم أكن بحبك مسلم!
ــــــــــــــ 71 ـــــــــــــــ
سافر حبيبي مابقى غير تذكار
تذكار عين للمحبة سهيره
سافر وقلبي من عنا البعد صبار
مبعد من عيوني وقلبي يديره
أجامل الضحكة وقلبي على نار
والجمر في جوفي تزايد سعيره
ــــــــــــــ 72 ـــــــــــــــ
صرت أنا للحب والدمعة أسير
في حياتي يوم راحة ماظهر
مظهري جنه ومضموني هجير
مرقدي تمثيل والواقع سهر
جيت يمك وأنت عزمت المسير
صرت ضدي مع صواديف الدهر
الوداع فراق والموقف مرير
والعزى ماضيك والحاضر قهر
ــــــــــــــ 73 ـــــــــــــــ
صوتك يصحي فيني..
أموات الاحلام!
صوتك..وصوتك
يبعث الروح
فيني
احلوت سنيني..
وزانت لي..أيام!
واحلوت أيامي..
وزانت..سنيني!
في ظلك أتظلل
بك اهيم..هيــام!
وأشوفك..
بقلـــبي؟!
وأحبــك..
بعيـــني؟
ــــــــــــــ 74 ـــــــــــــــ
على اخر مطاف العمر بديت احكي معاناتي
تسامرني نجوم الليل واسامرها وانا اعاني
سهير وخاطري مكسور قتلني الهم واهاتي
بقايا من عذاب الامس وغيم الياس اشقاني
هذاك اللي سلب عقلي وعاش سنين في ذاتي
اصيح من الحزن واقول حقيقة مثلة اغراني
اطارد حلمي الزايف ورى نومي وصحواتي
وافز القاني الفارس على قومي وخلاني..
ــــــــــــــ 75 ـــــــــــــــ
قصتي معك قصه؟!
علتي فيك عله!
يا غرام..تجرعت المرار
بضياعه
من ضحك في لقاك
وجاك بالشوق كله
ضحكة العمر
ماتسوى..
البكاء في وداعه!
وانت..منهو يحبك
حط نفسك محله
عش مثل مايعيش..
عالأقل..
نصـــف ساعة!!
ــــــــــــــ 76 ـــــــــــــــ
قلت: أحبـــك..وأنت قلت:
البيت بيتك!
قلت: نــــار.. وقلت لي:
برد..وسلام!
وراحت سنيني وأنا..
علك وليتك!
بالغـــرام انك تبادلني
الغـــرام!
مابقى رجوة لي
مارجيتك!
ومن ورى ظهرك رميت..
الاهتمام!
جيت لك ميت واحسب..
اني حييتك!
واثر حبي مرك
امرور الكرام!!
ــــــــــــــ 77 ـــــــــــــــ
كثر اشتياقي لك
( عيوني تمناك )
ودي اضمك في عيوني
واداريك ..
انت الوحيد ان غبت
ما غاب طرياك ..
وانت الوحيد اللي
حياتي تناديك ..
وانت الوحيد ان جيتني
عقب فرقاك ..
اطفا بشوفك .. واحترق يوم ألاقيك ..
ــــــــــــــ 78 ـــــــــــــــ
كم واحد راحت ملامح
شبابه
وضاعت حياته
بين..
قاســـي .. وكـــذاب
من وين ماجينا
الأمل
صك بابه!
وتخالفت بدروبنا
همـــوم .. وأنشـــاب
يالعنبوا هالوقت..
لابو عذابه!
لابو حياة
كلها
همـــوم .. وأصعــاب!!
ــــــــــــــ 79 ـــــــــــــــ
ما نسينا ولو تناسينا
يالغلا في يوم حبينا
يوم كنا بسمة حلوة
قلب واحد من يساوينا
ويا حسافة ما مضى والله
يا حسافة هالغلا كله
ليت قلبي ليته ما اتوله
وليتنا في يوم ما أغلينا
ــــــــــــــ 80 ـــــــــــــــ
مكتوب قلبي بحبك يذوب
ويصير بيني وبينك اعجاب
وتكون لي في العمر محبوب
تامر وأمرك كله امجاب
أنا أشهد إني منك مغلوب
والحب للعشاق غلاب
ــــــــــــــ 82 ـــــــــــــــ
من دون ماأقصد ياهوى البال مريت
قدام بابك وأنجبرت أشتكيله
ياباب قله في عذابي تماديت
ومرت على فراقه سنين طويله
شوقي فضحني في عيوني وصديت
الدمع مايرحم وماقويت أشيله
ــــــــــــــ 83 ـــــــــــــــ
(وصية)
رافق رفيقآ لا تضايقت يشفيك ..
ولا تنفع الرفقة على غير فزعات ..
ولا الردي عند اللوازم يخليك ..
لا نافع نفسه ولا منه نفعات ..
خله ترى له طاري غير طاريك ..
لك نيه وحده وله عشر نيات .. !
ــــــــــــــ 84 ـــــــــــــــ
يا ساكن القلب..مافي خاطرك
بـــده
مادام قدرك رفيع..
ومنزلك غالي
ماقلت هذا الكلام إلا..
وأنا قـــده
ماني براعي علوم..
مالها والــي
وإن كان تبغى كلام..
مانبي رده
إن رحت..وإن جيت
تبقى
وافــــي و غالــــي
ــــــــــــــ 85 ـــــــــــــــ
" أيام " مرت
وماحصل منك تقصير.
ما فيه مثلك في زمان العجايـــب.
"رمزالوفا وجه سعد طلة الخير"
< نور القمر>
ريح المطروالهبايـــب.
عندي مقامــك
بين كل البشر "غير"
تبقى بعيني.
((غير كل الحبايـــــب))
ــــــــــــــ 86 ـــــــــــــــ
يبقى الرجا لوزدتني
هم وبعاد ..
ويبقى الغلا لو
ضيعتني صحاريك .. صحيح عن فرقاك
ماني بمعتاد ..
لكن غلب وقت الرجا
في حراويك ..
والله لو روحي على الموت تنقاد ..
مانسى غلاتك ولاني اليوم ناسيك !!
ــــــــــــــ 87 ـــــــــــــــ
جالس انا في وسطهم قاعد ولا أسمع حكيهم لاتحسب اني عندهم
أنا معك بس جنبهم
متحمسين بهرجهم
ماغير اناظر عيونهم
وأتخيلك في وسطهم سألني واحد منهم
وش رايك بكلامهم
أحرجني قدامهم
قلت:العفو!وين قلبي. وين قلبهم.
ــــــــــــــ 88 ـــــــــــــــ
فيك..
الأمل لاضاقت الدنياعلي
وفيك..
الفرح لازادت جروح الايام
وفيك..
الوفالأحتجت بدنيتي إنسان
وفيك..
المحبه واضحه دون
عنوان
باختصاااار
انت الدفا لاذبحني برد
الاحزاااان...
ــــــــــــــ 89 ـــــــــــــــ
الأحباء كالنجوم
لانراهم دائما"
لكن نحس بضياءهم
على شفاف القلب.
فتنشرح الروح هكذاأنتم وهكذا نحن أحببناكم حد الأرتواءوسكنتم فينامساكن الضياءوعلمتمونا معنى النقاءفلكم مناكل الحب والوفاء
ــــــــــــــ 90 ـــــــــــــــ
منك نتعلــــــــــــم لعبة الصد ونصد@
مدام قلبــــــــــــــك والليالي علينا@
منك بتعلم كيف مانحفــــــــظ الود@
وتشوف منا ماتسويه فينا@ الحين لازم تأخذ المسأله جد@ علمتنا نقسى وشفنا قسينا
ــــــــــــــ 91 ـــــــــــــــ
(((أضـــــــــــــيع))) بدنيتي وأرحل إذا شفتك علي زعلان.. وأبيع الكون من شانك وحياتي لك أخليها..
"رجيـــــــــــــــتك"
لاتخليني إذاكثرت بي الأحزان..
أبيك تكون بجنبي وكل الناس
"مــــــــــــــــاأبيها"
ــــــــــــــ 92 ـــــــــــــــ
أنامالي سوى حبك..
(تدلل أمر) يحفظك ربي..
حبيبي
يووووووووه ماأقصد!!!
نسيت أنك بعد
عمري
نسيت أنك قمر
هالكون
وبحبك أنا مفتون
تبي الصراحه
والوضوح
وصمت يشعل
البوح
أنت اللي على عمري تمون
أحبك وين ماتكون..
ــــــــــــــ 93 ـــــــــــــــ
أنا أهديك الغلا اللي ما عطاه إنسان لأي إنسان
وأنا أهديك القصيد اللي عن أحزاني يسليني
أحـبك حب لا يمكن يعيش بعالم النسيان
وأحطك في خفا قلبــــــــــــــــــــــي وأشيلك في نظر عيني
(أهداااااءخـــاص)@
ــــــــــــــ 94 ــــــــــــــ
والله إني
كنت ألوم اللي
(يضيق إن غاب خله)
(لين جربت الغلا)
والفراق وقلت
تووووبه
لعنبو
جدالمفارق
فيه هم وفيه ذله
(أثركل الغلالذه)
والفراق اكبر
عيوبه
ــــــــــــــ 95 ــــــــــــــ
عيني على الساعه،، وعيني على الباب،، والوقت يمضي ماتضمه ايديني..
("آآآه") ليت الزمن يفهم مواعيد الاحباب ،،،ماكان عذب عقرب الوقت عيني!.
ــــــــــــــ 96 ـــــــــــــ
جفاك اليوم قيدني تعال وفك هذا القيد كلمني طمني وقلي إنت وش حالك جوالي غدا مثلي تنهد وأكثرالتنهيد يقول:أبطى عليك وقلت:أكيدالعلة إرسالك ياليت العذرفاتورةعليك بحاجة التسديدأخاف العذرهي قولت نسيت رقم جواله
ــــــــــــــ 97 ـــــــــــــ
عرفت أبكي من الفرحة!عرفت أضحك من الأحزان!عرفت إن الدمع أرحم وأصدق من يواسيني!عرفت إن الوهم دربي ولابه من يقدرني!عرفت إن الإنتظارأصعب عرفت إن الوعد خوان عرفت إنك أمل عمري أبيك تعرف إني عليك ولهااان!
ــــــــــــــ 98 ـــــــــــــ
غطيت في نومي ثواني وشفتك..واسقيتني حلو العسل من شفاتك..حظنت بعضي واحسبني حظنتك..الحلم جابك وأنت بأحلى صفاتك..ماذقت في عمري حلى لين ذقتك..
ألذ وأحلى من غلاتك حلاتك..
ــــــــــــــ 99 ـــــــــــــ
أحـن لك..والشعور يخونه التعبير..لـين آخـر الليل أقلب رسايلك.مومثل أول أحبك!!! بس((أحبك غير)) تدري شكثر؟أكثر من حب الام لولدها
من قال لحظة غيابك مالها تأثير؟؟-أحس-روحي-تبي-تطلع-من-لحظه غيابك
ــــــــــــــ 100 ـــــــــــــ
من بغى الفرقا لقى له عذر وأسباب ودليل . .
خل عنك العذر والأسباب دام الحب ضاع . .
كان ودك بالفراق أبشر عسى عمرك طووويل . .
لاتردد وانت لك كلمة وأمر(ن) مطاع . .
لي عليك إنك تبت بكلمتن تشفي الغليل . .
ولك علي اني لأوقف وقفة الرجل الشجاع . .
لاتجاملني مخافة (قال) مدري خوف (قيل) . .
عمر هرج الناس مايسمن ولايغني جياع . .
كان قصدك سر حبك أوعدك لأصبح بخيل . .
وأحمل أسرارك معي للموت قدر المستطاع . .
قلها قل ما أحبك و أبشر بصبرن جميل . .
لاتحسبني مثل من طبعهم لوي الذراع . .
صاحبك ماهو كذا ياصاحب العيون الكحيل . .
صاحبك طبعه غريب وغربته غربة طباع . .
فالهوى مايقبل الحل الوسط ولا القليل . .
مثل ماهو لاشرى يشري وليا من باع بااااااع . .
ثابت لو هي تميل الأرض تحته مايميل . .
يدري إن الفقر ما هو عيب و الدنيا متاع . .
ما عشق لذة حياته كثر عشق المستحيل . .
و لاكره حتى مماته كثر كره الإنصياع . .
كم تعلم من شديد البدو وش معنى الرحيل . .
وكم تعلم من غروب الشمس وش معنى الوداع . .
وكم تعلم من سحاب الصيف وش معنى الحصيل . .
وكم تعلم من ليال البرد وش معنى الضياع . .
إيه أنا هذا طريقي (موحش ..وصعب.. وطويل..) . .
وإنت لامنك تبعت العالم فجوبه وساع . .
إعتبرني في بداية سكتك عابر سبيل . .
ورح وأنا قلبي معك من وين وجهت الشراع . .
( يكفي إني لاذكرت في سالفة عشاق قيل
عاشر أحبابه شجاع .. وفارق أحبابه شجاع .. )
